A parent, brother, friend deceased, to cry— TRANSLATIONS FROM THE FABLES OF GAY. LEPUS MULTIS AMICUS. Lusus amicitia est, uni nisi dedita, ceu fit, Et quisque innocuo,invitoque lacessere quenquam In mediâ miserum semianimemque viâ. Vix ibi stratus, equi sonitum pedis audit, et, oh spe Quam lætâ adventu cor agitatur equi! Dorsum (inquit) mihi, chare, tuum concede, tuoque Auxilio nares fallere, vimque canum. Me meus, ut nosti, pes prodit-fidus amicus Fert quodcunque, lubens, nec grave sentit onus. Belle, miselle lepuscule, (equus respondet) amara Omnia quæ tibi sunt, sunt et amara mihi. Verum age-sume animos-multi, me pone, bonique Adveniunt, quorum sis citò salvus ope. Proximus armenti dominus bos solicitatus Auxilium his verbis se dare posse negat: Quando quadrupedum, quot vivunt, nullus amicum Me nescire potest usque fuisse tibi, Libertate æquus, quam cedit amicus amico, Utar, et absque metu ne tibi displiceam; Hinc me mandat amor. Juxta istum messis acervum Me mea, præ cunctis chara, juvenca manet; Et quis non ultro quæcunque negotia linquit, Pareat ut dominæ cum vocat ipsa suæ ? Nec me crudelem dicas-discedo-sed hircus, Cujus ope effugias integer, hircus adest. Febrem (ait hircus) habes. Heu, sicca ut lumina languent! Utque caput, collo deficiente, jacet ! Hirsutum mihi tergum; et forsan læserit ægrum, Vellere eris melius fultus, ovisque venit. Me mihi fecit onus natura, ovis inquit, anhelans Me nec velocem nec fortem jacto, solentque Ultimus accedit vitulus, vitulumque precatur, Remne ergo, respondet vitulus, suscepero tantam, Ignoscas oro. Fidissima dissociantur Corda, et tale tibi sat liquet esse meum. Ecce autem ad calces canis est! te quanta perempto Tristitia est nobis ingruitura !-Vale! AVARUS ET PLUTUS. ICTA fenestra Euri flatu stridebat, avarus Aurum execratur, perniciemque vocat; O mihi, ait, misero mens quam tranquilla fuisset, Hoc celasset adhuc si modo terra malum! Nunc autem virtus ipsa est venalis ; et aurum Quid contra vitii tormina sæva valet ? O inimicum aurum? O homini infestissima pestis; Cui datur illecebras vincere posse tuas ? Aurum homines suasit contemnere quicquid honestum est, Et præter nomen nil retinere boni. Aurum cuncta mali per terras semina sparsit ; Aurum nocturnis furibus arma dedit. Bella docet fortes, timidosque ad pessima ducit, Nec vitii quicquam est, quod non inveneris ortum Arcam clausit avarus, et ora horrentia rugis Ista tui similis tristia quisque canit. Commaculavi egone humanum genus, improbe? Culpa, Dum rapis, et captas omnia, culpa tua est. Mene execrandum censes, quia tam pretiosa Criminibus fiunt perniciosa tuis? Virtutis specie, pulchro ceu pallio amictus Quisque catus nebulo sordida facta tegit. Atque suis manibus commissa potentia, durum Et dirum subito vergit ad imperium. Hinc, nimium dum latro aurum detrudit in arcam. Auri et larga probo si copia contigit, instar Et viduas lacrymis ora rigare vetat. Quo sua crimina jure auro derivet avarus, Aurum animæ pretium qui cupit atque capit? |