QUISQUIS adit lectos elatâ uxore secundos,
Naufragus iratas ille retentat aquas.

Br. 29.

Br. 30.

FELIX ante alios nullius debitor æris,
Hunc sequitur cœlebs; tertius, orbe, venis.
Nec male res cessit, subito si funere sponsam
Ditatus magna dote, recondis humo.
His sapiens lectis, Epicurum quærere frustra
Quales sint monades, quà fit inane, sinas.

OPTARIT quicunque senex sibi longius ævum,
Dignus qui multa in lustra senescat, erit.

Br. 31.

Cum procul est, optat, cum venit, quisque senectam, Incusat, semper spe meliora videt.

OMNIS vita nimis brevis est felicibus, una
Nox miseris longi temporis instar habet.

Br. 46.

GRATIA ter grata est velox, sin forte moretur,
Gratia vix restat nomine digna suo.

Br. 55.

Br. 56.

SEU prece poscatur, seu non, da Jupiter omne, Magne, bonum, omne malum, et poscentibus abnue

nobis.

ME, cane vitato, canis excipit alter; eodem
In me animo tellus gignit et unda feras,
Nec mirum; restat lepori conscendere cœlum,
Sidereus tamen hic territat, ecce canis !

Br. 60.

Br. 70.

TELLURI, arboribus ver frondens, sidera cœlo
Græciæ et urbs, urbi est ista propago, decus.

IMPIA facta patrans, homines fortasse latebis,
Non poteris, meditans prava, latere Deos.

Br. 75.

Br. 75.

ANTIOPE satyrum, Danaë aurum, Europa juvencum, Et cycnum fecit, Leda petita Jovem."

Br. 92.

Ævi sat novi quam sim brevis; astra tuenti,
Per certas stabili lege voluta vices,
Tangitur haud pedibus tellus: conviva Deorum
Expleor ambrosiis exhilarorque cibis.

Br. 96.

QUOD nimium est sit ineptum, hinc, ut dixere

LATRONES alibi locupletum quærite tecta,
Assidet huic custos strenua pauperies.

FORTUNE malim adversæ tólerare procellas,
Quam domini ingentis ferre supercilium.

EN, Sexto, Sexti meditatur imago, silente,
Orator statua est, statuæque orator imago.

Br. 488.

PULCHRA est virginitas intacta, at vita periret,
Omnes si vellent virginitate frui;
Nequitiam fugiens, servatâ contrahe lege
Conjugium, ut pro te des hominem patriæ.

FERT humeris, venerabile onus, Cythereius heros
Per Troja flammas, densaque tela, patrem
Clamat et Argivis, vetuli, ne tangite, vita
Exiguum est Marti, sed mihi grande lucrum,

FORMA animos hominum capit, at, si gratia desit, Non tenet; esca natat pulchra, sed hamus abest.

COGITAT aut loquitur nil vir, nil cogitat uxor,
Felici thalamo non, puto, rixa strepit.

BUCCINA disjecit Thebarum mænia, struxit
Quæ lyra, quam sibi non concinit harmonia!

MENTE senes olim juvenis, Faustine, premebas,
Nunc juvenum terres robore corda senex.
Lævum at utrumque decus, juveni quod præbuit olim
Turba senum, juvenes nunc tribuere seni.

EXCEPTA hospitio musæ, tribuere libellos
Herodoto hospitii præmia, quæque suum.

STELLA mea, observans stellas. Dii me æthera faxint

Multis ut te oculis sim potis aspicere.

CLARA Cheroneæ soboles, Plutarche, dicavit
Hanc statuam ingenio, Roma benigna, tuo.
Das bene collatos, quos Roma et Græcia jactat,
Ad Divos paribus passibus ire duces;

Sed similem, Plutarche, tuæ describe e vitam
Non poteras,, regio non tulit ulla parem.

DAT tibi Pythagoram pictor; quod ni ipse tacere Pythagoras mallet, vocem habuisset opus.

Br. 205.

HAUD lavit Phido, haud tetigit, mihi febre calenti
In mentem ut venit nominis, interii.

Br. 210.

NYCTICORAX cantat lethale, sed ipsa canenti
Demophilo auscultans Nycticorax moritur.

HERMEM Deorum nuncium, pennis levem,
Quo rege gaudent Arcades, furem boum,
Hujus palestræ qui vigil custos stetit,
Clam nocte tollit Aulus, et ridens ait;
Præstat magistro sæpe discipulus suo.

Br. 212.

Br. 223.

QUI jacet hic, servus vixit, nunc, lumine cassus,
Durio magno nun minus ille potest.

FUNUS Alexandri mentitur fama; fidesque
Si Phabo, victor nescit obire diem,

Br. 227.

Br. 241.

NAUTA, quis hoc jaceat ne percontere sepulchro,
Eveniat tantum metior unda tibi!

Br. 256. *

CUR opulentus eges? tua cuncta in fœnore ponis.
Sic aliis dives, tu tibi pauper agis.